Risagjaldþrot?http://arnysig.blog.is/

 

Dýrt er landið, drottinn minn,

                                     dugi ekki minna

                  en vera allan aldur sinn 

                                    fyrir einni gröf að vinna.

 

 

  Fyrr má nú aldeilis fyrr vera, en að "risagjaldþrot"

  blasi við okkur Frónbúunum, þó eitthvað lítið

  pusist af aurum til okkar úr Alþjóðagjaldeyrissjóðnum.

  Eigum nóg af orku, vatni, búpeningi og slarkfærum

  fiskimiðum.

  Við hljótum að geta reddað okkur eitthvað fram

  eftir öldinni.

  Skellum okkur aftur af fullum þunga út

  í kartöflu- og rófuræktina, við hvert hús og

  hýbýli.

  Sjóðum ýsu, gerum plokkara úr afgöngum,

  borðum slátur og grjónagraut tvisvar í viku,

  hjólum í vinnuna eða göngum og lærum

  aftur að moka snjónum sjálf úr bílainnkeyrslunum.

  Sleppum Spánarreisum og heimshornaflakki,

  uns þokkalega virkur gjaldmiðill fæst á landið,

  og seljum ál og vatn á uppsprengdu verði

  öllum sem vilja kaupa.

  Risagjaldþrot, HVAÐ?

  Verður bara svona oggulítið "míní-gjaldþrot", 

  sem við tökum á í sameiningu, á meðan

  góðærissukkararnir eru í áfallahjálp

  á Frönsku Rivierunni eða Svissnesku

  fjallaspai.

  Verða að fá frið til að jafna sig aumingjarnir.

  Töpuðu milljörðum eða billjörðum....vitið þið ekki

  hvað það er "sárt"...og niðurbrjótandi a líkama

  og sál? 

  Gott ef þeir geta nokkurn tíma hugsað sér

  að setja aftur af stað "pappírspeningafyrirtæki"

  með svona "míniþjóð" sem bakhjarl, sem litla

  Frón er.

  Veslingarnir!  Ósköp eiga þeir bágt...sniff...snýt.

 

        Nú er öllum djöflum dátt.

        Dregur af mönnum gaman.

     Himinglæva og austanátt

     ætla að dansa saman.

 

     Uggir mig um allra hag,

        sem eiga mök við græðgi.

        Stormurinn kaldi líksöngslag

     leikur á símaþræði.

 

 

  Húsfreyja hefur ekki trú á risagjaldþrotum.

  Hún telur að framtíð sé björt á litla Fróni,

  á meðan við höfum nóg að bíta og brenna

  Svo mörg voru þau orð.

  Góðar stundir.

 

 

  Örna Arnarsson skáld er að sjálfsögðu

  skáld húsfreyju í dag.

  
 

 

 
 

 

     
 

        

 

 

Ávísun á risagjaldþrot ef lán fæst ekki frá IMF

Athugasemdir

[Eva Hauksdóttir (IP-tala skráð) 16.11.2008 kl. 16:47]

Semsagt; byggja upp nýtt hagkerfi sem hefur hófsemi, sjálfbærni og samhjálp að leiðarljósi. Þetta er skynsamlegasta og raunhæfasta lausn sem ég hef ennþá heyrt.

Ég legg til að húsfreyjur af þessu tagi taki við stólum forsætis-, fjármála- og viðskiptaráðherra.

[Sigríður Sigurðardóttir, 16.11.2008 kl. 21:19]

Þakka fyrir Eva, þó húsfreyja hafi hér lent í slæmri tölvutengingu og lent inni á bloggi systur sinnar.  Kannski maður lendi inni í ríkisstjórn næst.

  Systir, ég er búin að endurrita bloggið á "réttan" stað, en þú ræður hvort þú strokar þetta út eða heldur inni.

[Árný Sigurðardóttir, 18.11.2008 kl. 10:42]

bloggaðu eins og þú vilt.......hvenar sem er....hvar sem er...uss engin má vita...